వైదేహి డైట్ కళాశాలలో యువతకు హెచ్ ఐ వి/ఎయిడ్స్ పై అవగాహనా కార్యక్రమము

జిల్లా ఎయిడ్స్ నివారణ మరియు నియంత్రణ సంస్థ ఆధ్వర్యములో  వైదేహి డైట్ కళాశాలలో, అయ్యన్న పేట,  “యువతకు హెచ్ ఐ వి/ఎయిడ్స్ పై అవగాహనా కార్యక్రమము”  నిర్వహించడమైనది. 

 ఈ కార్యక్రములో పి బాలాజీ, జిల్లా ప్రోగ్రాం మేనేజర్, జిల్లా ఎయిడ్స్ నివారణ మరియు నియంత్రణ సంస్థ, ప్రసంగించారు ఈ సందర్బముగా అయన మాట్లాడుతూ హెచ్ ఐ వి నివారణ ఆరోగ్య శాఖా ఒక్కరి బాధ్యతే కాదని దీనిలో యువత పాత్ర చాల కీలకమని.  హెచ్ ఐ వి/ఎయిడ్స్ ఎలా వ్యాపిస్తుంది మరియు హెచ్ ఐ వి సోకకుండా ఎలాంటి జాగ్రత్తలు పాటించాలని  తెలియజేసారు.  సూదులు సిరంజిలు, రక్త మార్పిడి మరియు తల్లి నుండి బిడ్డకు హెచ్ ఐ వి సోకకుండా రాష్ట్ర ఎయిడ్స్ నియంత్రణ సంస్థ తగు జాగ్రత్తలు తీసుకుంటుందని,   సురక్షితము కాని శృంగారము కారణమూగా ఈ వ్యాధి ఎక్కువవగా సోకుతుందని తెలియజేసారు. యువత మంచి భవిష్యత్తుని హెచ్ ఐ  వి బారిన పదనివ్వద్దని.

పెళ్ళికి ముందు హెచ్ ఐ వి పరీక్షా చేయించు కోవటము పై విస్తృత చర్చ జరగాలని, పెళ్ళికి ముందు హెచ్ ఐ వి పరిక్ష అవసరము గుర్తించాలని, జిల్లలో కొంత మంది స్త్రీలు చిన్న వయస్సులో భర్తను హెచ్ ఐ వి వ్యాధి కారణముగా కోల్పోయీ  చాలా ఇబ్బందులు పడుతున్నారని దీనికి పరిష్కారము పెళ్ళికి ముందు హెచ్ ఐ వి పరీక్షా అని చెప్పారు.  నిర్లక్ష్య ప్రవర్తనతో జీవిస్తే ఎవ్వరైనా హెచ్ ఐ వి భారిన పడే అవకాసం వుందని, A. B. C. ని ఆచరించడం ద్వార హెచ్.ఐ.వి. వ్యాధి సోకకుండా యువతను కాపాడవచ్చని తెలియజేసారు.  A. B. C. పై తాయారు చేసిన పోస్టర్ ను అందజేశారు. హెచ్ ఐ వి వ్యాధి నివారణలో యువత చురుకుగా పాల్గొనాలని, హెచ్ ఐ వి/ఎయిడ్స్ అవగాహనా కలిగివుండటమే కాకుండా పది మందికిఅవగాహనా కల్పించాలని కోరారు.